落實了！一直只聞樓梯聲的「平民版」iPhone終於面世，知還知，但未見實物個心總是十五十六。價錢減了，自然是用家喜歡，但會否功能都「縮水」，得個iPhone樣，卻不是iPhone咁優質，我們立即睇睇。
iPhone SE 是最高性能 4 英寸 iPhone，不是最新款iPhone 6/6s的圓邊機身，而是用返同是4 英寸熒幕 iPhone 5 的磚頭型設計。特選玫瑰金色機款，是iPhone 6/6s才有的產物， iPhone SE同樣都有，仲有在太空灰色、銀色、金色及玫瑰金色4種機身。
外型雖然「後退」一代，但搭載M9運動協助處理器以及與iPhone 6s相同的A9芯片，在處理器效能上就比iPhone 5s快2倍。
講樣新功能，但是壞消息先，iPhone SE內建了Touch ID及NFC晶片，支援Apple Pay功能，不過香港用唔到住，價錢包了，但用唔到，唔好傷心，再等等。
個人覺得更正的是，部機細了，4寸熒幕也更需合單身操手，但功能如影相的就拍得住iPhone 6。1,200萬像素攝像頭是iPhone 6s的同級，支援拍攝4K視頻，補光燈亦改用True Tone。前置鏡頭方面還有Retina 顯示屏閃光燈，即使弱光或夜晚都能拍到見得人的自拍照。
官方發佈的試相：
另外，有傳過話新iPhone 不再用3.5mm耳機插孔，改用Lightning接駁耳機。但iPhone SE是仍有3.5mm耳機插孔的，新配置就再等等。
16GB、64GB兩種容量選擇，分別售價港幣$3488同港幣$4288，史上最平iPhone機款，用另一講法就是「親民版」iPhone，入門用家可考慮。
香港與其他11個國家均被列為首發國家及地區。3月24日大家可上Apple Online Store預訂，而3月31日就會正式發售。
TEXT / TING
IMAGE / INTERNET
