哩個Moment講BC（Benedict Cumberbatch），你緊係以為我講BBC果套英劇Sherlock特別版齣電影。咁現在失蹤人口、無頭寃案之類喺香港話發生就發生，的確係好需要福爾摩斯的存在。好啦，係入正題講BC嘅Doctor Strange造型有幾正，或這Doctor strange對Marvel電影有幾重要之前，都講兩句Sherlock。
唔係劇透，都唔係影評，而係想講套戲英文叫Sherlock，但港版中文就叫返新福爾摩斯，無話直譯佢咩神探夏洛克之類。當然，大家都無話無聊去問點解Sherlock Holmes就一定要叫福爾摩斯，一來Sherlock可以解私家偵探，二來咪就係大家叫慣福爾摩斯。夏洛克？！你搵邊位？
有趣的是點解Holmes譯福爾摩斯？這時候，我地有請美國女演員，前湯（湯告魯斯）嫂Katie Holmes，一樣是 Holmes，但我們譯佢做姬蒂荷姆絲，同福爾摩斯完全扯唔上關係。點解咁？
我手頭上冇百份一百準確的答案。但有說是比較早譯的一個暢銷Holmes中文小說（注意！不是第一個譯，只是這個譯本多d人睇）是來自南方省份，譯者講的仲係福州話，閩南語一支。而福的閩南音是ho，之後大家再譯小說，怕太混亂就都用福爾摩斯，約定俗成就無人改佢。
Sorry……話講兩句，講到咁遠添。講返BC的Doctor strange電影造型，早前在Entertainment Weekly爆光，有幾型大家自己睇。
不但是定裝照，更有部分概念美術圖。BC自己仲話沒演過半場這類型的戲，自己仲努力摸索緊，好似點樣施展咒語咁。
正常人都唔知用魔法應該係咩姿勢架啦，但BC一向出名演果樣似果樣，當然難唔到佢，今次幫雜誌影封面，對住穿過沒幾次的裝扮，
佢緊係唔會放過今次機會，好好研究自己在片中施展魔法時究竟該作出哪些手勢。
咁Marvel電影大家都追左幾年Iron man、美國隊長兩位自然重要，但其實Doctor strange在Marvel世界裡也舉足輕重。
因為Doctor strange故事會，探討世界觀的魔法，這個還是未知的領域，重要是未在電影世界觀中加入。
講左咁而當然要介紹下Doctor Strange故事講d咩，在漫畫中，Stephen Strange（即是Doctor Strange）雖然是個醫術高超的醫生，
但卻自我中心、同只在乎錢。不過一場車禍令佢揸唔返手術刀，咁斷了米路，當然要搵人幫。佢散盡家財，最後搵到喜瑪拉雅山上有隱士Ancient One或者能夠醫好佢……
之後拜師學藝、改邪歸正、打大佬就不用再說。要講的是，暫定年尾11月4日起上映，有最新消息，我地再同大家講。
TEXT/ TING
IMAGE AND VIDEO/ INTERNET
