睇波必備 Hublot Big Bang e 歐聯智能錶
實時掌握歐聯戰況
Hublot雖然早係2006年踏足足球壇，但近年大動作頻頻，除了早前首度成為英格蘭超級足球聯賽大會指定計時，而家更擔任2020年的歐洲聯賽冠軍盃大會計時。為隆重其事，Hublot更特別為歐聯推出最新限量版 BIG BANG 智能腕表，搭配全新「歐聯專用」APP。唔單止，可以讓你邊睇波，邊掌握各賽事嘅即場資訊，最重要係，佢會準時提你，夠鐘開波，要埋位啦！
睇歐聯，最緊要係咩？係有人提你幾點開波！
歐聯開波「早場」都凌晨1：55，遇上唔少大戰仲要苦等到凌晨4點，一個唔好彩瞓咗，或者唔知醒，無睇一埸就係少一場！身為 歐洲聯賽冠軍盃官方時計嘅Hublot自然十分貼心，特別推出這款「為歐聯而生」嘅智能腕表。只要擁有Big Bang e UEFA Champions League智能腕錶，搭配由Wear OS by Google支援，「HUBLOT Loves Football UEFA Champions League」專用應用程式，就唔怕會Miss咗任何歐聯大戰，而且加上其他多項新功能，保證能令咁多位球迷更投入賽事！
PHOTO / Hublot
入波、換人、紅黃牌，全都即時Update你
Big Bang e UEFA Champions League智能腕錶其中一大賣點就是，腕錶配合程式使用，會好醒目咁在比賽開波15分鐘前發出提示通知，提你記得埋位，準備開波！
PHOTO / Hublot
而佢仲會係你睇波時，實時為你提供入球、罰球、換人、黃牌及紅牌、加時等資訊。連球隊陣容及視像助理球證（VAR）裁判佢都會一一顯示。
PHOTO / Hublot
比賽完咗，Big Bang e UEFA Champions League智能腕錶更會為你倒數下一場賽事。即使，同一時間有多場歐聯大戰進行，你都可以運用腕錶輕觸式屏幕，輕鬆切換畫面，要實時知道邊場賽事資訊，完全自己話事。
PHOTO / Hublot
都算叫做同歐聯球證「碰錶」
Big Bang e UEFA Champions League智能腕錶，更有推出特別為每位歐聯球證而設嘅特別版。不過，這個特別版款式就不作發售。錶殼還選用超輕盈物料，同普通版陶瓷版本唔同，更見輕巧。球證版更會加入更多功能，如連接「鷹眼系統」的入球偵測技術，當整個足球完全越過龍門白界時，腕錶將向球證發出訊號，從而協助球證在激烈嘅歐聯賽事中，更有效完全工作！
PHOTO / Hublot
歐聯主色：屬於男人浪漫嘅藍色
雖然不知同球證「撞錶」，對你係咪一個賣點，或令你能更投入賽事。但以錶論錶，Big Bang e UEFA Champions League智能腕錶，配備42mm陶瓷錶殼，大小適中，也十分適合香港人手腕Size。從陶瓷錶殼到橡膠錶帶，同時選用歐聯藍色主色，呼應主題，運動感十足又不失時尚。
PHOTO / Hublot
而且，具備有多種錶盤，可於HUBLOT Store下載選擇。另還有藍色的數碼顯示和指針選擇，你更可自選特備顏色錶盤，配合參賽球隊裝備用色。全球只限量發行500枚，同每一場精彩歐聯賽事一樣，有今生無來世，錯過咗就無啦！
PHOTO / Hublot
