雖然，話係成日都有藤原浩（Hiroshi Fujiwara）聯乘，但就並唔係隨隨便便加個「FRGMT」字樣或閃電Logo就叫你埋單。身為「日本街頭時尚教父」，Fujiwara都好有良心，幾次嘅腕錶聯乘，都有落足心思挑選有意義嘅型號去聯名，而設計方面也有加入自己風格。今次聯乘Bvlgari都唔例外，揀選咗 70 年代中期推出的 BVLGARI BVLGARI，係第一個錶圈鐫刻雙品牌標誌作為風格元素嘅系列。
Photo / 品牌提供
今次BVLGARI BVLGARI Fragment Fujiwara 特別版腕錶講到明係專為日本而設的限定版腕錶，全球只在日本推出僅限量生產 250 隻。設計上保留了原始款式嘅外型，搭載Bvlgari自製自動上鍊機械機芯Cal. BVL 191，有； 42 小時動力儲存。41mm噴砂精鋼錶殼上嘅錶圈，鐫刻「 BVLGARI」 及 「FRGMT」（Fragment）字樣。黑色漆面錶盤上，大三針設計，3 時位置有日期顯視窗；無任何時標，只6點方位飾以 Fragment Design 閃電Logo，12點位就有雙方聯乘名字。錶帶有兩款配搭，一係黑襯灰軍用尼龍錶帶，配噴砂精鋼針扣及錶帶環；另一後備錶帶就是全黑，都係軍用尼龍質地。都係個句，隻錶係型係靚，我好Buy，但Buy唔Buy到才是重點！今次仲係日本限定，疫情未完點睇11月都飛唔到去日本住，香港錶迷要入手就要再諗諗計！
