奧運金牌與足球王國的未來
巴西乜都可以輸,唯足球絕對不可以...

Avatar

里約奧運即將完結,多個項目金牌都已名花有主。無論係排球抑或係沙灘排球這些巴西大熱門項目都慘遭滑鐵盧輸波收場,與金牌無緣。作為足球強國,又有主場之利,巴西今屆誓要站在頒獎台的最高,高舉奧運含金量最高的男子足球金牌!

巴西足球近幾年一直陷入低潮,以往的森巴足球被認為已經過時。秀麗腳法「好睇唔好食」,現今講求目標為本。在西班牙、德國等球隊著重整體組織、控球在腳、傳波走位的戰術下,森巴足球亦在大賽吃下不少苦頭。兩年前的世界盃,擁有主場之利的巴西,在4強就曾經慘敗德國一比七,這場波將巴西足球打進深淵!

奧運足球只限23歲以下足球員參加,換句話說,哪一隊得到奧運足球冠軍就象徵著未來10年很大機會能夠做到一哥。所謂冤家路窄,今次冠軍戰亦都是在馬拉簡拿球場舉行,由巴西隊對德國隊。如果今次巴西再輸一次,巴西足球也許就要輸掉未來…年。

今屆四強戰巴西對洪都拉斯的賽事當中,接近全個球場都是巴西支持者,主隊就先來一個下馬威,以六比零大勝洪都拉斯。呢場波筆者認為,除了一如以往的強攻之外,巴西對防守強度亦比之前著重。每次巴西球員剷截成功,球員都會異常地興奮,同埋振臂叫主場球迷繼續為他們打氣。這個行為筆者解讀為,巴西已經不會再只係着重於進攻。他們想向世人表示,自己的防守已經有革命性改善。現在森巴足球除了秀麗嘅腳法之外,還着重防守。

 

這一隊巴西,由尼馬和另一位新星加比爾捷西斯(Gabriel Jesus)帶領,誓要一洗近幾年的頹風擊敗德國隊,重振巴西足球聲威。但對於巴西隊來講,這場決賽是對巴西防守的最大考驗。里約奧運,巴西甚麼都可以輸,唯獨是足球一定不可以!

Koomen International Company Limited. 2021 © all rights reserved