1. 甚麼是 glamping？
即是 glamorous camping 豪華露營咁解！係 19 世紀初時，唔少歐美有錢佬的玩意，當時佢哋最鍾意就係去森林同草原狩獵。
2. 邊度有得玩？
其實而家世界各地，都有依照自己的地理環境，發展出不同的 glamping 地點，可謂各有特色，當中比較受歡迎的，除咗傳統的非洲同南美之外，近年加納比海的孤島 glamping 都好受歡迎。
3. 咁同普通 camping 有咩分別？
雖然都係親親大自然，但 glamping 的賣點就係乾淨方便，同埋配套完善，最重要就係唔駛大家揹住個營攀山涉水。而叫得豪華，當然價錢亦都貴好多啦！
4. 唔駛帶營？咁住啲咩？
7個字「各處鄉村各處例」，唔同的地方都會有唔同的特色住宿，例如蒙古包、狩獵營、露營車、山洞、冰屋，甚至由火車卡、飛機改裝的「營」都有。
而編者最期待的，就係入住喺非洲同南美森林的樹屋！
5. 去 glamping 有咩玩？
通常去得 glamping，都係想脫離都市的繁忙生活，盡情享受大自然的寧靜舒逸，
所以同上題一樣，都可以話係視乎當地有咩特色活動，例如森林歷險、釣魚之類，當然唔少得就係舒舒服服咁瞓喺度欣賞靚景啦！
TEXT / Bodom
PHOTO / 網絡圖片
