攞女命3000│3 大暖男必備Gadget

「暖男」,意指細心體貼的男生,相信係因為韓劇熱潮的關係(通常啲韓劇男主角都係呢一 type),呢種男生近年極受…

「暖男」,意指細心體貼的男生,相信係因為韓劇熱潮的關係(通常啲韓劇男主角都係呢一 type),呢種男生近年極受女生們歡迎。

如果你自問成個 package 唔夠男神煒咁好,不妨時常隨身帶備以下 3 大法寶,加入「暖男」行列,隨時可以殺出一條新血路,令到女神對你產生好感!

不過如果你女神係嗰 8 件乜乜乜,咁 … 恕我幫你唔到,賺多廿蚊去買張六合彩可能會有效啲。

 

1. 外置叉電器

現今科技發達,人人都一機在手,尤其女生們又要自拍,自拍完又要執相,仲要用嚟 WhatsApp、睇 Facebook、Line、玩 Candy Crush 等等等等等等等 …… 其實部電話舊電都應該唔夠用成日。要知道,「大頭蝦」係女生們天生的習性,當然亦係專利,當佢哋手袋要擺滿化妝品、鏡、外套之類的瑣碎物件時,當今「最偉大發明」之一的外置叉電器,就好可能會係被佢哋遺忘的東西。作為暖男的你,又豈可唔為佢哋隨身準備一個呢?而要盡顯暖男魔力,尿袋的選擇當然都唔可以馬虎啦!在眾多牌子中,編輯特別推介 Momax iPower Elite+,配備 Quick Charge 2.0 快充技術,30 分鐘左右就可以叉到部電話 60% 滿,而 8000 mAh 容量就大約可以叉滿到部電話 4 次,加埋 1-TAKE USB 輸出口,連接線正反兩邊都可以插入,超級方便。不過啱啱講的呢堆嘢,其實都係其次,最重要係

外!型!夠!晒!靚!

壓紋皮革外殼極有手感外亦貫徹暖男感覺,而玫瑰紅版本肯肯定女生們勁鍾意!情人節就到啦,你識做啦!

 

2. 紙巾

好多女生都覺得會隨身帶備紙巾的男生好細心體貼,尤其包紙巾係名廠 Tempo 的話,印象分一定爆分!

 

3. 胃藥

正所謂:「10個女人,9個易胃痛。」識得時常隨身帶住包胃藥喺身,3個字,冇得輸!

TEXT / BODOM WONG

Koomen International Company Limited. 2021 © all rights reserved