我最喜愛的交換禮物〡淺談菲林相機潮

你知,聖誕呀除夕呀一班人無野做咪玩下交換禮物。但香港人喎,日做夜做仲邊有時間花心思買禮物。所以,新的一年屋企咪…

你知,聖誕呀除夕呀一班人無野做咪玩下交換禮物。但香港人喎,日做夜做仲邊有時間花心思買禮物。
所以,新的一年屋企咪多左d 實用野,番梘、香薰之類,再唔係就無聊當有趣的垃圾,不,是小玩意。
好彩,近年有菲林機復興的熱潮,有時抽到個即影即有(有平有貴),可以成大班人即刻玩,都幾窩心。

 


 

咁香港地買即影即有,大家好自然唸起 Lomography、Fuji Instax 咁,早前我地介紹過 Lomo’Instant Wide。
咁玩得菲林,就是Like佢復古同玩味體驗,影細細張無咩癮,特別是成班人影大張有趣好多,加上16比9可塑造更廣闊的畫面。

 


 

當然,如Budget唔合你心水,咁介紹返港產老牌菲林相機 Holga,佢就唔係即影即有,但這款菲林相機,操作要求簡單,以影低精確度照片出名(唔……即是可能咩都影唔到。),大人細路都啱玩。但講開又講,唔係太多人知Holga是香港出品。是不少上年代學生哥低價菲林機入門的初號機。塑膠、low tech、有瑕疵的成品,但就吸引到大把Fans。雖然去年尾時有消息話停產,但市面還可買到,可以一戰。

而專出黑白菲林Ilford前幾年都睇中這個市場,佢也不是出即影即有,而是即可拍相機。推出了兩部一次性相機,底片早幫你裝妥,又唔洗點操作,一次性使用,用完即棄。「XP2」、「HP5」,兩款都有內置閃光燈、可以影到27張照片,使用ISO400的黑白底片室內室外影都得,重點是around一舊水就玩到。

 

咁最後都講返即影即有,咁一定是大熱Polaroid,但Budget要求又高左,操作技巧又高D,要介紹也不是三言兩語講完。今次只想同大家分享寶麗來工廠於2008年倒閉,如果唔係得白武士Impossible Project拯救,所有機器和技術都會在地平線上消失。早前Impossible Project出左條短片講佢地歷史,拍得靚就緊,仲有趣唔係悶果種記錄片。為多謝佢地拯救了世界上差點就被全遺棄的Polaroid相機,我地當然Share下。

 

 

 

TEXT/ TING
IMAGE AND VIDEO/ INTERNET

Koomen International Company Limited. 2021 © all rights reserved