真正人車合體│三菱 Emirai3 xDAS 概念車

未來世界,即使唔係電車世界,都一定係油電混合的世界,由於「電」已經成為不可逆轉的大勢,各大廠商爭先出概念車,志…

未來世界,即使唔係電車世界,都一定係油電混合的世界,由於「電」已經成為不可逆轉的大勢,各大廠商爭先出概念車,志在俾一眾車迷幻想下未來世界;其實話唔定過多幾年,純汽油車已經會成為文物。以電子產品聞夠的日本三菱,出產過好多部戰神級跑車,已經不再話下,廠方近日有搞作,即將公佈最新電動概念車 EMIRAI3 xDAS,一望個樣,即刻諗起個套動畫《高智能方程式》,係不遠嘅未來,你可以同部車傾計,諗起真係好期待。

呢部 EMIRAI3 xDAS 的電動車,標榜「人車合一」,佢擁有同 Tesla 差唔多的大型電子中控台,而且會幫你計住心跳,個系統係來自日本九洲工業大學的非接觸式心電圖鑑,會運算心跳同行車時間,來診斷你有無駕駛疲勞的問題,另外,此車更可以從車鏡上睇到數據同路面資訊,一句到尾,呢部車將電動車更人性化,功能貼心到好似有讀心術一樣,問你服未。

由於概念車都仲未出,以上都係狂想圖,以2015年的科技,電動車就可以做到呢個地步,話唔定過多十幾年,真係會出現變形金剛都未定。EMIRAI3 xDAS 估計會係10月29日東京車展上亮相,到時一有最新消息,會即刻update各位車迷。

TEXT/JS

Koomen International Company Limited. 2021 © all rights reserved