到底幾時要用藍芽耳機？男人普遍都係答揸車時，講真，好地地，點解要用藍芽唔用傳統駁線耳機呢？現在LG給你一個理由，因為藍芽耳機都可以好靚聲。
這個名為LG Tone Infinim的掛頸式耳機，擁有立體靚聲，最長可使用14小時的音樂播放時間，耳機驟眼看來，尚算型格，戴出街都襯到幾個唔同的look。
今次LG新藍芽耳機的重點，在於首次同著名音響品牌Harman/Kardon合作，識得音響的人都知道呢個品牌把炮，講真，作為殿堂級音響牌子，其聲學設計可說非常出名，兩個牌子聯手下，炮製出黎的新藍芽耳機音效分明，中低音特別強而有力，聽歌都已經咁好，通話質素自然唔使多講啦，不過，你部機本身網絡收得清唔清，都好關鍵的。
而這款藍芽耳機就有唔同型號，分別是HBS-500（HK$498）、HBS-760（HK$598）同HBS-900（HK$1,148），當然是一分錢一分貨，如果你要話呢個耳機有咩彈，就係個頸掛設計，需知道男人未必個個會慣戴頸飾，有個圈係頸上面，其實對部分男人黎講，真係唔太方便。
TEXT/JS
