酒佬好去處
勃根地精選 VS 新潟大酒場
近年，迷上去小店買酒，路邊的小酒舖，販賣的除了是酒，還有是一份親切感。品酒從來不只是五感體驗，還有是一種心靈享受。這場旅程由到店舖揀選飲咩酒，就已經悄悄開始。大家要求提升了，商家自然會配合，今次就為大家介紹兩處新去處，定必能滿足你對好好享受美酒嘅熱切追求。
burgundy etc
PHOTO / burgundy etc
1,000款勃根地葡萄酒，無論係新手入門定係要用嚟宴客送禮，佢哋由獨立酒莊，到頂尖莊園，佢地都一應俱全。加上近5年Burgundy酒嘅熱潮旺盛，好似未有大退減嘅跡象，就算本身對勃根地未有很深認識，都可以藉今次機會去睇睇，睇吓有無機會「入坑」。
PHOTO / burgundy etc
搜羅唔同精選burgundy，當中包括，大家成日會聽到嘅 Leflaive、Comtes Lafon、Dujac、Clos de Tart 、Georges Roumier和Armand Rousseau等等。而其實etc wine shops也曾開設bordeaux etc及champagne etc，今次再開設burgundy etc，可以講係經驗十足，而產地先行，專一不濫，都的確係，一個唔錯嘅「概念」，無論係行銷，定係去培養一個興趣！
PHOTO / burgundy etc
今次新舖開係中環，高貴優雅風格嘅裝潢自然不能少，還有專業品酒區，店內專業品酒師會為大家引薦不同嘅勃根地葡萄酒，同交流品酒心得。聽聽不同好酒嘅歷史故事、地方風土、葡萄種植和釀酒技術等等，對於鑑賞同享受一支佳釀，係只有好處，無壞處嘅！
PHOTO / burgundy etc
burgundy etc
地址：香港中環畢打街中建大廈1 樓108 號舖
PHOTO / burgundy etc
IPPINKAN by The Time Sommelier
PHOTO / LCX
喜歡日本酒、清酒嘅朋友自然唔會對新潟縣陌生。新潟縣除了造酒廠數量位居日本前茅，仲有一個非當知名景點，就係能夠一次試盡將近100種日本酒嘅「PONSHU館」。而雖然，我哋短期內都無機會親身去到，但你現就可以係尖沙咀搵到呢個經典新潟大酒場（The SAKABA）嘅重現！
PHOTO / LCX
為期3個月，就係尖沙咀LCX內，Miss SAKE Hong Kong與海港城合作期間限定嘅「逸品館」（IPPINKAN by The Time Sommelier），係全港首間清酒博物館「大酒場」（The SAKABA）。場內放置The SAKABA標誌性嘅一大排清酒自販機，高度還原著名景點JR新潟站清酒博物館「PONSHU館」。
PHOTO / LCX
這個清酒館供應逾50款日本不同產地的清酒讓大家選購，即使你對清酒自販興趣不大，齋去打卡都係值得去的。加上除了日本酒，場內還有不同日式手信，重點推薦威士忌桶熟成咖啡豆，以羽生蒸餾所的橡木雪莉桶用上三個月熟成，咖啡喝起來帶淡淡酒香，另外，也有埼玉縣狭山茶名門清水園的茶葉、佐賀縣的有田燒瓷器皿等等。無得去日本旅行，就買住日本手信，飲住日本清酒，頂一頂先吧！
PHOTO / LCX
IPPINKAN by The Time Sommelier
地址：尖沙咀廣東道 5 號海港城海運大廈3樓LCX 11號舖
PHOTO / LCX
