香港最耐人尋味失蹤案
結界真的存在？
結界是一個很神秘的議題，一直以來也有不少科學嘗試解釋這個現象，也有不少故事作品以此為題材。結界最有名的必要數百慕達三角，而香港也有傳西貢有結界的存在，並且曾經發生神秘的失蹤案件。
在2005年，有一名反黑組警員丁利華在西貢行山時迷路，他曾打電話報警求助，可惜中途信號中斷，之後他就不知所終。有人將他求救電話的内容以文字記錄了下來，更添一份詭秘感。
接線生：999
丁：我係行山㗎，喺西貢586…
接線生：咩事呀！
丁：我行山，迷途呀！
接線生：你迷途呀？咁你喺邊呀！
丁：我而家位置48（停頓）7020。
接線生：487020呀？係咪標柜柱？
丁：係，係嗰個咩柱呀？
接線生：487020呀嘛？你慢慢講，喺乜野地方？
丁：等等……
(相隔20秒)
接線生: 喂，
丁: 等等。
(相隔30秒)
接線生：你係咪行麥理浩徑呀！
丁：係，西貢嗰頭嚟㗎！
接線生：你係咪行麥理浩徑呀！
丁：係，冇錯！
接線生：你行緊邊一段？
丁：西貢個邊，西貢東。
接線生：西貢東，西貢嘅東面，由邊度出發。
丁：由西貢北潭涌，行咗兩個幾鐘頭，但係蕩失路，而家企咗喺過咗58…5870嘅主要嘅路
接線生：5870 幾？頭先你又話係487020。
丁：仲差少少咋！
接線生：有冇見到M幾多，M幾多，你見唔見到呀？
丁：仲差少少路程！
（相隔30秒）
接線生：你見唔見到M001呀，M011，M030呀？
丁：你等陣先！
（相隔20秒，很多雜音）
丁：睇唔到呀！
接線生：你淨係見到個number，咁個 number（487020）刻喺邊度呀？
丁：唔係啲柱，係密碼。
接線生：乜嘢密碼？
丁：可能我讀錯密碼啦！
（接收不良, 很多雜音）
接線生：咁你仲係咪行麥理浩徑，先生，你唔好行去嗰邊呀，收得好差，你唔好再行！喂，喂，你停喺度，我要問你問題。
丁：你快啲啦，個number係……
接線生：你停喺度，你有冇扭親腳？
丁：頂唔順呀！
接線生：你停喺度，你有冇扭親腳？
接線生：你幾多人喺度？
丁：我一個人！
接線生：要唔要救護車？
丁：要！
接線生：你係唔係要救護車！
（接線生接駁至救護車，然後接線生與救護員通話及救護員問位置，隔20秒）
丁： 救命呀（相隔5秒）救命呀！
救護員：你要話畀我聽你喺邊！
丁：最慘我唔記得條路！
接線生：先生呀，喂？喂？喂？
丁：救命呀（相隔3秒）救命呀！（丁再無對話）
（接線生解釋收到電話後的情況給救護員知道，救護員覆一次丁的手提電話號碼便收線）
接線生: 先生呀，喂？喂？喂！
（斷線）
之後丁利華便再無音訊，事後警方動員過百人進行搜索也一無所獲，連屍首也找不到，而他在求救電話中說出的數字，也無人知道究竟是什麽。在事件一個月後，一位富行山經驗的童軍領袖也在西貢行山時失蹤，兩日後發現了他的屍體，估計是暈倒失救致死。由於事後也有不少人在山上遇到怪事，再加上丁利華失蹤事件實在太離奇，因此坊間以結界作解釋。
