劍指Tesla│600匹Porsche電動跑車殺入戰場

當你以為世界只有Tesla做好電動車時,傳統跑車品牌Porsche突然殺Tesla一個措手不及,在即將舉行的法…

當你以為世界只有Tesla做好電動車時,傳統跑車品牌Porsche突然殺Tesla一個措手不及,在即將舉行的法蘭克福車展前夕,宣佈推出名為Mission E的電動概念跑車,雖說係概念車,但廠方又公佈了一系列的車相及短片,看來這部車很快就會登場,同Tesla爭霸主之位。

從外觀來看,Mission E可說深得保時捷真傳,其流線設計令人遠遠一望,就知道係該廠出品;有揸過保時捷的人都知道,其中置引擎的嚎叫聲是一大賣點,電動車只有摩打,那麼假若Mission E失去叫聲,會唔會好怪?

放心,廠方係速度上絕對可以彌補閣下,事關根據Porsche官方資料所示,此車由0至100公里加速將少於3.5秒,以Tesla Model目前最Top的P85D(0至100公里加速3.3秒)來算,新Mission E的速度不相伯仲,應該有快無慢,如果唔係保時捷顏面何存?廠方亦公佈加速至200公里亦只在12秒左右,極速為250公里,以數字來算,絕對是一部超跑。

目前廠方仍未公佈新Mission E的內部結構,但相信會有兩個摩打,以及傳統的必殺四驅轉向系統;至於充電方面,Mission E聲稱比Tesla更快,據稱15分鐘便可充80%總電量,但廠方並無講明用邊款差電先有如此效果。

睇睇Mission E內部,幾咁有時代感,簡直係未來戰士。全車擁有4個座位,似乎無Tesla咁實用,但你要明白,佢係一部保時捷,最緊要係「快」。

講到底,呢部人人期待的電動超跑幾時開賣?廠方又賣關子唔講,但此車連短片、內部相片都有齊,相信一定會出,應該兩年內吧!到時希望香港仲未取消環保車的稅務優惠啦!

TEXT/JS

Koomen International Company Limited. 2021 © all rights reserved