1. Plan旅行
出得嚟行，預咗要還。趁住最近日元同韓圜弱勢，為咗睇波，出少少血都在所難免。請幾日假約女友喺8月去個旅行就啱哂。因為只要提到旅行，作為女性一定眉飛色舞。呢一個月時間對方一定忙於選地點、揀酒店、plan schedule等等。而且她仲要在WhatsApp group向朋友請教旅行經驗，仲邊得閒理你睇咩波丫。
2. 夜晚擦餐勁
除咗去旅行之外，食物亦都穩佔「溝女榜」排名第二位。只要你洞悉女人天生嘅死穴，佢仲點飛得出你手指件罅？來一個酒店buffet或者韓國燒肉放題，加多張合照以證地位，讓女友放一萬個心給你去睇波。她還要向食物映相，加加埋埋所有相片在ig有一二百個like，仲唔當堂嚇一跳……然後得啖笑！
3. 帶佢Shopping
有女友嘅男人，應該感到自豪和感恩。行街睇戲食飯都有個愛人喺你隔離守護你，要學懂珍惜。之不過，有來自然有往。拍得拖預咗要大破慳囊。花一千幾百買件禮物氹下女朋友都唔過份丫。問下自己除咗特別節日之外，有冇送過禮物俾對方？少咗時間陪女朋友，係時候買禮物補數啦。無事獻殷勤……因為愛囉！
4. 賴皮
若然要做到咁真係好肉酸，你可以同女友講歐國盃係4年一次，又或者今屆特別刺激緊張。但係如果對方係咁通情達理嘅話，根本類似說話都唔洗說。倒不如來一招斧底抽薪，反問佢煲韓劇時有冇顧你感受，劇情發展下去就會是吵架繼而冷戰，最後到完成兩項盃賽再慢慢氹，嘅省錢又省時間。
做人男朋友適當時候必須要氹下女朋友，更何況係歐國盃同美洲盃處於水深火熱之中?！總括而言，要魚與熊掌兩者兼得，必先洗一筆，就當是破財擋災吧！愛從來都是做，而非口說的！
