如果，你仲以為日本清酒，口感一定係辛辣的話，咁就大錯特錯了！為咗迎合世界市場，其實好多酒莊而家都會釀造一些偏重果香花香，味道清甜的清酒，令清酒成為近年其中一種大熱酒。咩話？你對清酒零認識？唔緊要！睇完以下10大嘆清酒秘訣，就算未係專家，或者都可以扮下代表！
1. 吟釀酒與純米酒
好多人見吟釀酒（尤其大吟釀）價錢較貴，就誤將呢兩種酒分咗高低等級，但其實日本人就認為佢哋的分別只係在於味道清淡同濃厚。
2. 先吟釀後純米
緊記！先淡後濃是常識吧！
3. 清酒是佐餐酒
相比起單獨品嚐，以食物與清酒進行配對，更能突顯清酒的個性，甚至帶來意想不到的效果。編者就試過以烤鴨配一支原酒，鴨的油脂令酒的味道得到了很大程度的昇華。
4. Food pairing
簡單嚟講，就係清甜的配海鮮，濃厚的配肉類，酸度高的配較油膩的食物，仲有就是冷盤必定配冷飲。
5. 用紅酒杯嘆
正如上文所講，而家清酒好多都偏向重視果香花香，所以用紅酒杯飲，好多時比用傳統的杯仔飲，更可以品嚐到清酒的香同甜。
6. 冷飲與暖飲
冇錯，清酒冷飲同暖飲兩種飲法，但要知道並唔係種種酒都啱，就以大吟釀嚟講，因為酒體好薄，所以座暖之後會令到香氣揮發，失去最大嘅優點。
7. 一次過叫兩支
好多人就算預咗一晚會飲兩支酒，都會習慣飲完一支先再叫另一支，但要試清兩支酒的分別，最好就係一次過叫晒兩支啦！
8. 唔講年份
飲紅酒好講年份，因為嗰年的葡萄種成點會好影響支酒的質素，不過清酒就主要取決於釀酒師的釀酒技術，而且清酒基本上係只可以存放一兩年的。
9. 清酒奧斯卡
日本每年都會推出被譽為「清酒奧斯卡」的金賞酒評鑑名單，從數以千計的參選酒中，選出品質優秀的金賞受賞酒。而只有用作參選的那一缸酒，可在瓶身貼上金賞受賞酒標示，即使是酒莊在同一時間用同一個方法釀製，但來自其他酒缸的酒，也不能貼這上標示。
10. 常見術語
地酒 ─ 所用的酒米同水都係用酒莊當地的嚟釀
原酒 ─ 釀好後冇加水
古酒 ─ 熟成期達 3 年
山廢 ─ 釀製過種中冇攪拌過
清酒 x buffet
最後一提，位於萬麗海景酒店的萬麗咖啡室，正在搞一個「清酒 x buffet」的推廣，只要多加百幾蚊，就可以試四或五種清酒，仲好貼心咁會俾埋佢哋建議的食物配對大家，等大家可以品嚐到靚酒美食之餘，仲可以學到點嘆清酒。
查詢：2802 8888
TEXT / Bodom
