要去Beertopia手工啤酒節的5大理由

明天Happy Friday有咩好去處，當然要留意一年一度的手工啤酒節 Beertopia 啦！往年去過的朋友相信都會記得，呢個啤酒節入面有幾多特別酒款可以試，加上有唔同的攤位、舞池同美食，所以可以同三五知己放工玩番晚！今年 Beertopia 移師到中環海濱舉行，地方更大更方便！

Beertopia 係香港落地生根，要數4年前，當時香港人人都仲係飲緊大牌子啤酒，創辦人Jon有感為甚麼香港人飲啤酒點解咁唔講究，於是把心一橫舉行啤酒節，第一年爆滿全場，甚至要截人數，可見大家對手工啤酒的熱愛一發不能收拾；往後幾年手工啤酒愈賣愈有，大家欣賞佢有唔同口味同特性，而且每一間小啤酒廠都有獨特配方，令你明白原來飲啤酒可以咁精彩咁多花款！

我們已經想到了今年要入場的5大理由：

一．今年的手工啤酒款多達500多種！幾新奇的口味都有，你飲過橙味啤酒未？Pizza味啤酒呢？場內你數得出的味道都可以試到！

二．今年場地更大，而且更方便，在中環海濱舉行，大家可以一邊飲啤酒，一邊享受美景。

三．Beertopia內除了有各款啤酒，更有唔同的攤位同小食檔，即使唔飲酒，入場食個飽都已經爽夠！而且場內仲有唔同Live Show勁Band表演！

四．場內設置舞池，隨時識到新朋友仔！

五．另外，今年新增與香港市集協會合辦的「Wild West 市集」，此市集將會對外開放，適合一家大小前來參加。